1111-1112`
黃社啦啦隊8連冠啦!
我真係好開心我係保棠呢5年陸運會裡面…

每次返黎打xanga既第一句就係恭喜黃社拎到幾多連冠…
黃社社員真係太厲害啦XD
今年係我陸運後喉嚨最痛既一年!
把聲最沙既一年.. 但亦係我覺得最值得既一年!
可能呢d就叫做真正投入掛!
8連冠，談何容易
雖然到今時今日仍有人說什麼做馬.. 不公平…
但呢d說話一早就唔理啦…
我地靠自己實力.. 無老鬼既幫助下….
拎左個冠軍返黎…
總算無丟架! 黃社人，你地係得既!
5分鐘表現個陣聽到我地d回音…正!

不過我自問自己仲有好多進步空間..
今年無李宛瑩係隔離同我一齊嗌…
真係好驚唔識叫d人嗌….
呀徐返一返黎又好似點醒左d…
今年無左陳欣佢地返黎…
感覺上好似差左d野咁…
可能有人覺得老鬼返黎會有壓力…
但我就覺得佢地返黎睇係一種支持同鼓勵!

今年我見到既黃社…
係一個好溫馨既家…做野氣氛好好既一年
見到大家做做下野會一齊打波…
而且今年係最多幹事既!
有時見到我地既人仲多過出面3個社加埋..
真係覺得好安慰…
雖然d細既未必識做好多野…
但你地都願意落黎幫下手…
可能正正因為黃社夠好玩…先吸引到你地…

琴日唔開會都唔知…
原本小鵬會為黃社係籃球場大叫「黃社贏左啦!」
原來呀喬會為黃社放棄一下籃球，盡力去幫黃社!
原來火雞唔係淨係識玩玩下，佢都會為黃社嗌到聲沙!
原來梁儀對上年5分鐘有咁大陰影!
原來CoCo係咁感性既!
大家都係因為愛黃社先會咁!
仲有好多好多人，你地為社盡力既表現係有眼見的!

今年好開心可以成立「Heilopo」XD
我地3個真係夠哂合拍! 哈哈!
今年唔知會唔會係我係保棠既最後一年!
所以我之後落黎既目標就只有考好CE!
我真係好想陪多大家兩年!

記得F.1就開始幫黃社手…
先係啦啦隊跳舞.. 再去so媽到整野…
以前做細既就唔識出聲.. 淨係識默默咁做…
到依家要lead人做野…要大大聲咁帶口號…
真係發覺黃社令到我進步…學到好多野…
老套d講句…呢d野係書裡面搵唔到既!
所以希望d細既可以繼續幫黃社手…
可以學多d野…可以繼續進步…

p.s. 原來火雞既笑點仲低過梁儀XD同一個gag講幾多次都笑!
仲要d笑聲勁搞笑…個表情次次一樣…
真係笑鬼死我XD你果然成為大家既娛樂! 哈哈!

p.s.s. 西米叻女^^個人3連冠….
仲有我要講既係...
-啦啦隊大獎呢d野…好死既姐!
-癡線! 黃社又拎啦啦隊大獎XD

5S2雙數+ Elaine+ Terry中秋慶團圓!
超開心呢!
大家一齊BBQ`一齊玩燈籠`
一齊講鬼故`仲要一齊’放火’XD
仲要勁黑.. 得返個月亮….
勁有feel XP
走個陣一齊行落山…
大家可以為個螢光波而大暴走
狂講acceleration!
最後一行5人搭的返歸!

p.s.我去唔到黃社既活動…真的sorry

1001`
國慶!哂冷呀!勁!
今日亦係CE 200日倒數!
3個星期後又話要exam….

0926`

9:00補PA`
今日唔使補chem…
做得哂d pass paper=]
1:00補PHY`
還可以啦!
跟住落左去睇佢地整野….
講真個句我真係唔開心….
因為我真係見到有好多問題….
我明白你地有好多野都唔知….
因為有好多都係第一年幫手….
不過我覺得我地有責任話比你地知….
所以最後都團埋一齊傾…
希望你地真係明白我擔心D咩啦…
最衰d細既得返幾個幾度-.-
搞到又唔知發生咩事

總之一句講哂要加油啦

0904`
四社迎新!
整體比上年好吧!
今年最特別係可以比其他社員選社長…
最尾氣氛好左好多..恭喜Dickson=]
如果有得比佢地睇上年5分鐘段片就更好啦!
我記得我第一次睇個陣好感動!
見到大家既努力無白費....
跟住開會`
檢討四社迎新既事項比上年快好多...
再傾埋陸運會d野!

傾左超多野!未試過開會有咁多成果!
相信今年效率幾高
連係msn傾野都有成果! 哈哈!
我仲要claim返上年度筆爛數=.=
唉!
p.s. 小鵬good job! Girl Girl Girl!